Nananatiling positibo si Queen of all Media Kris Aquino sa kabila ng nararamdamang sakit kabilang na dito ang allergies at ang water disesase na chronic urticaria o ang pangangati at pamamalat ng kaniyang mga balat (skin).
Sa video na ipinost ni Kris sa kaniyang Facebook at Instagram account, ipinakita niya ang kaniyang magandang ngiti habang kinukuhanan ng dugo ng kaniyang med tech para sa siyam na vials sa St. Luke’s Medical Center-Bonifacio Global City (BGC) sa Taguig City.
Ayon kay Kris, hindi na malala ang nararamdaman niyang sakit sa tulong ng kaniyang mga doktor at nang mga gamot na kaniyang iniinom araw-araw.
Nagpasalamat naman si Kris sa lahat ng mga nagdasal at patuloy na nagdarasal para sa kanya kalusugan.
Umaasa si Kris na bubuti ang kanyang kalagayan at magkakaroon ng mabilis na pagrekober sa kaniyang sakit. —sa panulat ni Angelica Doctolero
