Naglabas ng Immigration Lookout Bulletin ang DOJ o Department of Justice laban sa puganteng American – Korean na si Jun No.
Nilagdaan mismo ni Justice Secretary Vitaliano Aguirre ang nasabing kautusan na nag-aatas sa Bureau of Immigration na bantayan ang posibleng paglabas ni No sa mga pangunahing paliparan palabas ng bansa.
Dapat aniyang ipagbigay alam sa kanila o di kaya’y sa pambansang pulisya sakaling mamataan ang nasabing Koreano sa airport.
Magugnitang naaresto si No sa isang entrapment operation ng mga tauhan ng PNP drug enforcement group sa parking lot ng isang kilalang mall sa Pasay City nuong Abril 05 bitbit ang may 144 piraso ng ectasy.
Kinakailangang operahan si No sa East Avenue Medical Center sanhi ng acute appendicitis hanggang sa makatakas nuong Abril 15.
By: Jaymark Dagala / Bert Mozo
