Pinalaya na ng teroristang grupo na Abu Sayyaf ang dalawa nilang bihag ng Indonesian.
Ayon sa Joint Task Force Sulu, dinala ng isang concerned citizen sa bahay ni Dating Sulu Governor Abdusakur Tan Senior sa Barangay Asturias, Jolo ang mga kidnap victim na sina La Utu Bin La Raali at La Hadi La Edi, kagabi.
Sumasailalim na anya sa medical examination at custodial debriefing ang mga biktima.
Hindi naman idinetalye ng militar kung paano nakalaya o kung nagbayad ng ransom ang pamilya ng mga bihag o Indonesian government.
