Kung may China Town sa Binondo malapit na ring magkaroon ng Korea Town sa Maynila.
Ayon kay Korean Ambassador to the Philippines Han Dong-Man, plano nilang gawing Korea Town ang Malate area.
Sinabi ni Han na nakausap na n’ya hinggil sa planong ito si Manila Mayor Isko Moreno at hiniling nila ang buong suporta nito sa proyekto.
Noong nakaraang taon, umabot sa 1.6 na milyong Koreans ang bumisita sa bansa.
Sinabi ni Han na nangako s’ya sa Pangulong Rodrigo Duterte na itaas ito sa 2-M sa panahon ng kanyang termino bilang ambassador sa Pilipinas.
