Naghain ng “not guilty” plea ang kampo ng kontratistang si Curlee Discaya kaugnay ng kasong malversation of public funds sa Malolos Regional Trial Court Branch 20 nitong Huwebes, Hunyo 19.
Ang kaso ay nag-ugat sa umano’y mga anomalya sa halos P54-milyong flood control project sa Calumpit, Bulacan.
Dumalo si Discaya sa arraignment sa pamamagitan ng video conference matapos umanong makaranas ng karamdaman at skin rashes bunsod ng matinding init ng panahon. Tiniyak ng kanyang kampo na wala umanong natatanggap na special treatment ang kontratista, na kasalukuyang nakapiit sa Bulacan Provincial Jail.
Ayon kay Atty. Cornelio Samaniego III, handa umano si Discaya na pangalanan ang mahigit 100 indibidwal na sangkot sa umano’y flood control scandal. may hawak umanong ebidensya ang kontratista laban sa mga nakatransaksyon nito sa pamahalaan na ilalabas sa tamang panahon.
