Kasado na ang konstruksyon ng ilang pasilidad sa Pag – asa Island.
Kasunod na rin ito nang naselyuhang kontrata ng DND o Department of National Defense kaugnay sa pagpapatayo ng ramp at tarmac sa nasabing isla.
Sinabi ni Defense Secretary Delfin Lorenzana na bahala na ang contractor kung kailan sisimulan ang konstruksyon.
Una nang ipinabatid ni Lorenzana na bukod sa pagsasaayos ng paliparan, magtatayo rin sa nasabing isla ng pier at mga commercial structure tulad ng ice plant para na rin sa mga residente doon at mga mangingisdang dumadaong sa lugar.
