Walang gatol na inamin ni Davao City Mayor Rodrigo Duterte ang kanyang koneksiyon sa DDS o Davao Death Squad na sinasabing responsable sa pagpatay sa mga kriminal sa lungsod.
Sa isang television interview, hinamon naman ni Duterte ang human rights watch na nakabase sa New York na sampahan siya ng kaukulang kaso sa korte.
Ayon sa alkalde, haharapin niya sa hukuman ang kaso at patutunayan niya sa naturang grupo ang umano’y kamangmangan ng mga ito.
Una nang isiniwalat ng human rights watch na mahigit 1,000 katao na ang napaslang ng death squad simula noong 1990s.
By Jelbert Perdez
