Naaresto ang dalawang wanted persons kabilang ang kinikilalang lider ng ipit gang sa Sampaloc, Manila.
Kinilala ang lider na si Erwin De Luna na wanted sa kasong pagnanakaw at Alvin Reyes na isang notorious na akyat bahay, ayon sa Sampaloc Police.
Modus ng grupo ni De Luna na mambiktima ng mga pasahero ng bus.
Ayon pa sa Sampaloc Police, binubuo ng apat na miyembro ang grupo nila de Luna kung saan hawak na ng otoridad ang tatlo rito.
Problema rin umano ng mga pulis ang hindi pagpapatuloy ng mga biktima sa pagsasampa ng kaso kaya’t nadi-dismiss at nakakapagpiyansa ang mga miyembro ng grupo.—sa panulat ni Joana Luna