Inilarga na ngayong araw ng mga kumpaniya ng langis ang kauna-unahang oil price adjustment sa pagpasok ng taong 2016.
Alas-12:01 kaninang madaling araw epektibo ang price adjustment ng mga kumpaniyang Petron, Seaoil at Flying V.
Sampung sentimos (P0.10) ang itinaas sa presyo ng kada litro ng gasolina, P0.15 sa diesel habang P0.25 ang rollback sa kada litro ng kerosene.
Ala-6:00 naman kanina nang magpatupad din ng adjustment ang Shell, Phoenix Petroleum, Total at PTT pero tanging ang Shell ang may rollback sa presyo ng kerosene.
Una nang nagpatupad ng kaparehong price adjustment sa gasolina at diesel ang Eastern Petroleum dakong ala-6:00 kagabi.
By Jaymark Dagala
