Ipinauubaya na ng Malakanyang sa Department of Justice (DOJ) ang magiging hakbang upang manatili sa Pilipinas ang kontrobersiyal na si Kingdom of Jesus Christ Founder, Pastor Apollo Quiboloy na kasalukuyang nasa FBI most wanted list.
Sa gitna ito ng ilang panawagan sa palasyo na ipag-utos sa DOJ ang pagpapalabas ng hold departure order (HDO) laban kay Quiboloy habang nakabinbin ang extradition request ng Estados Unidos.
Ayon kay acting presidential spokesman Karlo Nograles, nagbigay naman na ng pahayag si DOJ Secretary Menardo Guevarra at handa naman itong mag-issue ng immigration lookout bulletin order.
Gayunman, hangga’t wala anyang nakikitang sapat na batayan para baligtarin ang findings, walang dahilan para i-apply ang precautionary HDO.
Nag-ugat ito sa partisipasyon umano ng founder at dalawa pang opisyal ng religious groupsa umano’y labor trafficking, sex trafficking, cash smuggling at iba pang krimen sa Amerika.
