Ikinagalak ng kampo ng may bahay ni COMELEC Chairman Andres Bautista ang pagbibitiw nito sa tungkulin sa katapusan ng taong ito.
Dahil sa resignation ni Bautista sinabi ni Atty Lorna Kapunan, abogado ni ginang Patricia Bautista na mapapadali na ang imbestigasyon ng NBI hinggil sa mga umanoy tagong yaman nito.
Ayon kay Kapunan kapag hindi na COMELEC Chairman si Bautista mawawala na ang immunity nito at uubra nang kasuhan ng plunder sa Office of the Ombudsman.
Pabor aniya sa kanilang mga kaso ang resignation ni Bautista dahil isang “Citizen Andy” na lamang ang kanilang makakalaban sa Korte.
Kasabay nito hindi naman kumbinsido ang kampo ni Ginang Bautista sa dahilan ni Chairman Bautista na para sa kanilang mga anak ang desisyon nitong magbitiw na sa puwesto.
