Aabot na sa 27,272, 169 Pilipino ang fully vaccinated laban sa COVID-19.
Sa datos ng national COVID-19 vaccination dashboard, umakyat na sa 59,134,236 doses na ang binakunahan sa buong bansa.
Kabilang dito ang 31,862,067 na tumanggap ng first dose.
Ayon kay National Task Force against COVID-19 Chief Implementer, Secretary Carlito Galvez, tumungtong na sa 518,294 doses ang average daily vaccination rate ng bansa sa nakalipas na pitong araw.
Inaasahan anyang tataas pa ito sa sandaling magsimula ang nationwide pediatric vaccination sa miyerkules, november 3 kung saan target na bakunahan ang nasa 12.7 milyon na edad 12 hanggang 17
Una nang inihayag ni Galvez na pursigido ang gobyerno na itaas ang average daily jabs hanggang 1.5 mil yong doses upang makamit ang target na 50 milyong Pilipino sa katapusan ng taon. — sa panulat ni Drew Nacino
