Itinanggi ni Department of Justice (DOJ) Secretary Leila de Lima na may naging kasunduan sa pagitan ng pamahalaan at Iglesia ni Cristo (INC) kaya’t natapos na ang protesta ng religious group kahapon.
Kasabay nito, nanindigan si de Lima na hindi ito magbibitiw bilang kalihim ng Department of Justice sa kabila ng panawagan ng INC.
Giit ni de Lima walang dahilan para siya ay mag-resign at marami pa aniya siyang trabahong dapat asikasuhin ngayong katatapos lamang ng holiday.
Matatandaang bahagi ng protesta ng INC ang panawagang magbitiw si de Lima bilang Justice Secretary dahil sa panghihimasok umano nito sa panloob na problema ng grupo.
By Ralph Obina
