Tinamaan ng COVID-19 ang isa sa mga residenteng apektado ng pag-a-alburoto ng Bulkang Taal.
Naka-quarantine na sa Batangas City ang evacuee na residente ng bayan ng Agoncillo habang naka-isolate na ang kanyang pamilya.
Ayon kay Agoncillo Mayor Daniel Reyes, napag-alamang positibo ang matandang babae matapos magsagawa ng antigen test kahit pa nagpabakuna na ito kontra COVID-19.
Sa kasalukuyan ay mayroon ng 25 aktibong COVID-19 cases sa Agoncillo.
Samantala, sumailalim din sa random antigen tests ang mga residente ng bayan ng Taal. —sa panulat ni Drew Nacino