Inamin ng young star na si Julia Barretto na matagal din silang hindi nag-usap ng rumored boyfriend na si Joshua Garcia.
Kasunod ito nang kinasangkutang isyu ni Joshua matapos umanong mag-comment at makipag-chat sa isang modelo.
Ayon kay Julia sa kasalukuyan ay nasa proseso pa lamang sila ng pag-aayos ng kanilang relasyon.
Aminado rin ang aktres na nawalan siya ng tiwala kay Joshua matapos ng pangyayari.
Sa ngayon aniya, bagamat okay na sila ay nasa proseso pa rin ang aktor sa pagbabalik ng nawalang niyang tiwala dito.
Sinabi pa ni Julia, na ginusto niya na sanang itaboy si Joshua pero kanyang isinaalang-alang ang nabuong respeto sa isa’t isa at partnership kaya kanila muna itong pinag-usapan.
Iginagalang naman ni Joshua ang pasya ni Julia na magkaroon ng space at makapag-isip.
—-
