May napili nang bagong director para sa pelikulang Darna ang film production company na Star Cinema.
Batay sa kanilang anunsyo, papalitan ng award winning filmmaker na si Jerrold Tarog ang nagbitiw na si Direk Erik Matti bilang director ng “Darna” na pagbibidahan naman ni Liza Soberano.
Anila, malugod na tinanggap ni Tarog ang nasabing proyekto.
Welcome din sa ABS CBN at Star Cinema ang mga bago at makabuluhang istilo ni Tarog, gayundin ang galing nito sa pagliha ng mga pelikula tulad ng “Heneral Luna” at “Goyo ang Batang Heneral”.
Magugunitang nitong Huwebes lamang inanunsyo ni Direk Matti ang pagbibitiw bilang ng direktor ng Darna dahil anito sa pagkakaroon ng creative differences sa Star Cinema.
PRESS STATEMENT: ABS-CBN AND STAR CINEMA ANNOUNCE “DARNA’S” NEW DIRECTOR pic.twitter.com/3QZN44R7Ni
— ABS-CBN PR (@ABSCBNpr) October 5, 2018
