Japan nakaalerto na sa muling pagpapakawala ng missile ng NoKor

Inabisuhan na ng Japan ang kanilang mga mamamayan na magtago sa mga ligtas na lugar sa oras na muling magpakawala ng mga missile ang North Korea.

Ayon sa Japanese government, dapat umiwas ang mga mamamayan sa mga bintana at protektahan ang kanilang ulo sakaling nasa loob ng mga gusali kung patungo sa direksyon ng Sea of Japan ang missile ng NoKor.

Simula ngayong buwan hanggang Hulyo ay apatnapu’t tatlong (43) television stations sa buong Japan ang mag-bo-broadcast ng live announcement hinggil sa nuke alert at pitumpung (70) pahayagan ang magsasapubliko ng written instructions.

Noon lamang Biyernes, nagpakawala rin ng missile ang South Korea bilang tugon sa test fire ng NoKor bagay na ikinaalarma ng Japan.

By  Drew Nacino   

Comments

comments