Nagpatupad na ng travel ban ang Japan sa mga dayuhang galing sa Daegu City sa South Korea (SoKor) at kalapit na lugar na Cheongdo.
Ang Daegu City ay nakapagtala ng pinakamaraming kaso ng 2019 coronavirus disease (COVID-19) sa South Korea at siya ngayong sentro ng outbreak ng nasabing sakit.
Sinabi ng Japanese foreign ministry na lahat ng biyahero anuman ang lahi kung galing sa Daegu City at Cheongdo ay bawal pumasok ng Japan.
Pinapayuhan din ng Japanese government ang mga mamamayan nito na iwasan muna ang mga hindi mahahalagang biyahe patungo sa mga apektadong lugar sa SoKor.
