Kapwa ibinabala ng Ukraine at Russia ang panganib na maidudulot ng anilay radition mula sa Zaporizhzhia Nuclear Power Plant sa Ukraine dahil sa pagpapasabog malapit sa planta.
Ayon sa Ukraine operator na Energoatom, nagdulot ng pagkasira sa imprastraktura ng planta ang magkakasunod na pagpapasabog ng russia at may posibilidad na magkaroon ng pagtagas ng hydrogen, radiation at sunog.
Habang itinanggi naman ito ng Russia at iginiit na ang Ukraine ay 17 beses na nagpasabog sa lugar at ilan sa mga ito ay tumama sa fuel storage ng planta.
Nagdulot naman ng pagkaputol ng linya ng kuryente sa planta, at disconnection mula sa grid ng Ukraine ang pagpapabasog na siyang unang pagkakataon sa halos 40 taon ng operasyon nito
Matatandaang simula pa Marso nang okupahin ng kampo ng Russia ang nasabing planta sa katimugang Ukraine.