Muling nagbukas ang Italya para sa mga manggagawang Pinoy.
Ito’y ayon kay Philippine Ambassador to Italy Neal Imperial dahil sa kalidad ng trabahong naibibigay ng mga Pilipino at sa mahusay na relasyon ng Italya at Pilipinas.
Batay sa inilabas na listahan ng decreto flussi o flow decree, pinapayagang makapag-trabaho sa bansa ang mga Filipino workers alinsunod sa mga partikular na kondisyon at quota.
Ang naturang programa ay bahagi ng patakaran ng Italya sa imigrasyon, na nagbibigay-daan sa pamahalaan na kontrolin at planuhin ang pagpasok ng dayuhang manggagawa upang matugunan ang pangangailangan ng kanilang merkado.
Kabilang naman ang agrikultura, turismo, konstruksiyon, transportasyon, at iba pang industriya sa mga sektor na higit na nangangailangan ng mga manggagawa. - sa panulat ni Laica Cuevas