Isang miyembro ng bandidong Abu Sayyaf ang patay matapos umanong manlaban sa mga sundalong umaresto sa kaniya sa Tawi-Tawi
Kinilala ng Western Mindanao Command ng Armed Forces of the Philippines o AFP ang napatay na bandido na si Ustab Anji
Naaresto si Anji ng pinagsanib na puwersa ng Marine Battalion landing Team Nine, 2nd Marine Brigade at Panglima Sugala Police sa bisa ng warrant of arrest na ipinalabas ng korte
Nahaharap si Anji sa 21 patong na kaso ng kidnapping at serious illegal detention hinggil sa Sipadan hostage crisis nuong taong 2000
Batay sa kuwento ng mga awtoridad, patungo sana sila sa Sugala Municipal Police Station matapos maaresto sa barangay Magsagaw, panglima sugala sa Tawi-Tawi nang bumunot ng baril si Anji
Nagkaroon pa ng balyahan hanggang sa mauwi sa barilan ang agawan ng baril na nagresulta sa pagkasawi ng suspek
By: Jaymark Dagala
