Patay ang isang pedestrian matapos sumalpok sa kanya ang isang SUV na nakabanggaan ng isang van sa Beijing Road sa Fontana Leisure Park sa Mabalacat, Pampanga.
Ayon sa Mabalacat Police, naglalakad lamang ang biktimang si Lin Zhigiang nang magbanggaan malapit sa kanya ang isang van at fortuner.
Nadala pa sa ospital si Lin subalit idineklara itong wala nang buhay.
Kapwa nahaharap sa kasong Reckless Imprudence Resulting to Homicide ang drivers ng nagbanggaang sasakyan.
