Ibinabala ng isang grupo ng jeepney drivers and operators ang isa pang tigil pasada.
Ito ayon kay Benny Aquino, Pangulo ng Alliance of United Transport Organizations Province Wide o AUTOPRO ay kapag ipinilit ng gobyerno ang pag-phase out sa mga lumang pampasaherong jeep.
Sinabi ni Aquino na dapat ikunsidera ng gobyerno ang mga driver at operator na lubhang maaapektuhan at maaaring mawalan ng kani kanilang pagkakakitaan sakaling ituloy ang phase out.
Gayunman, ipinabatid ni Aquino na susubukan pa rin ng kanilang grupo na makipagpulong sa mga kinauukulan para igiit ang pagkontra sa PUV modernization program.