Hiniling ni Ako Bicol party-list Representative Alfredo Garbin sa Department of Justice (DOJ) na ilagay na sa watch list ang mga sangkot sa hazing na ikinasawi ni Philippine Military Academy (PMA) Cadet Darwin Dormitorio.
Ginawa ito ni Garbin matapos kilalanin na ng Philippine National Police (PNP) ang pitong suspek sa hazing kay Dormitorio.
Kumbinsido si Garbin na nangyayari ang hazing dahil hindi sineseryoso ng otoridad at mga paaralan ang Anti-Hazing Law at pinapansin lamang kapag mayroon nang namamatay o nasasaktan.
Ayon kay Garbin, dapat ay isulong ang orientation sa Anti-Hazing Law ng lahat ng paaralan.
