Isa pang miyembro ng pamilya Maute arestado sa Cagayan de Oro

Naaresto ng pinagsanib na pwersa ng Philippine National Police at Armed Forces of the Philippines ang isang miyembro ng pamilyang Maute sa Cagayan De Oro City.

Ayon kay Eastern Mindanao Commmand spokesperson martial law spokesman Brig/Gen. Gilbert Gapay, nadakip si Mohammad Noaim Maute alyas Abu Jadid sa Sta. Cruz, Macasandig sa ilalim ng ipinalabas na arrest order ng Department of National Defense, kaninang ala singko y medya ng umaga.

Dagdag ni Gapay, si Mohammad Noaim ay isang bomb expert at batay sa inisyal na impormayon ay isa ring Arabic teacher na nakatira sa Butig, Lanao del Sur.

Gumagamit aniya ito ng pekeng student id ng Mindanao State University gamit ang pangalang Alfaiz Mamintal.

Sumasailalim na ngayon sa imbestigasyon ang naarestong Maute.

By Krista De Dios (With Report from Jonathan Andal)

Comments

comments