Patay sa US airtrikes ang Islamic State leaders na nasa likod ng mga pag-atake sa Paris, France at Belgium noong nakaraang taon.
Kinumpirma ng Pentagon na kabilang sa napatay sa opensiba ng US forces sina Salah Gourmat at Sammy Djedou na kapwa sangkot sa pamamaril at suicide bomb attacks sa Bataclan Music Hall sa Paris, France noong Nobyembre 13, 2015.
Samantalang patay din sa airstrike ang Islamic State leader na si Walid Hamman na siyang utak sa pag-atake sa Belgium ng kaparehong taon.
Sinasabing sakay ng iisang sasakyan ang naturang mga pinuno ng ISIS nang mapuruhan sa pag-atake ng Estados Unidos.
By Ralph Obina
Photo Credit: AFP
