Pangungunahan ngayong araw ni Pangulong Ferdinand Marcos Jr. ang inagurasyon ng mga bagong miyembro ng Bangsamoro Transition Authority (BTA) parliament.
Sa inaugural session na ito, opisyal na itinalaga ang 80 bagong miyembro bilang kasapi ng parliament transition body.
Matatandaan na una nang nanumpa sa palasyo ang mga ito sa pangunguna ni Ahod Murad Ibrahim na muling itinalaga bilang Interim Chief Minister ng Bangsamoro Autonomous Region in Muslim Mindanao (BARMM).
Inanunsyo naman ni Moro National Liberation Front (MNLF) Founder Nur Misuari ang kanyang pagsali sa sesyon, makaraang makausap noong linggo si Bangsamoro Interim Chief Ahod Ebrahim sa Davao City.
Kaugnay nito, mahigpit na seguridad ang inilatag ng Bangsamoro authorities kasunod ng pagdalo ni Pang. Marcos Jr. sa inagurasyon.
Pinaigting din dito ang pagpapatupad ng mga health protocols kungsaan isinasailalim sa antigen test kontra COVID-19 ang lahat ng mga dumalo sa aktibidad. – sa ulat ni Jopel Pelenio (Patrol 17)
