Siniguro ng mga opisyal ng lalawigan ng Ilocos Sur at Cavite na 100 porsyentong bird flu free ang kani-kanilang mga lugar.
Ito ay sa gitna pa rin ng positibong kaso ng avian flu sa Pampanga at Nueva Ecija.
Pinangunahan ni Ilocos Sur Governor Ryan Singson ang isang boodle fight kasama ang iba pang opisyal at mga empleyado ng kapitolyo.
Pinagsaluhan ng mga ito ang adobong manok at sinangag bilang pagpapakita na ligtas kainin ang manok sa kanilang probinsiya.
Samantala, ipinagmalaki naman ni Cavite Provincial Dominador Borja na nakatutok sila sa lahat mga poultry farm sa probinsiya upang masigurong hindi apektado ng naturang sakit ang kanilang mga poultry products.
By Rianne Briones
