Inutusan umano ang ilang palaboy sa bahaging Roxas Boulevard sa lungsod ng Maynila na magtago muna sa kasagsagan ng ASEAN Summit nitong Lunes at Martes.
Ito’y sa kabila ng kautusan ni Pangulong Rodrigo Duterte na huwag itago ang mga palaboy sa lungsod kahit pa dumating ang mga heads of state.
Ayon sa ilang palaboy sa lungsod, pinuntahan sila ng ilang opisyal ng barangay para pagsabihang magtago muna habang isinasagawa ang naturang summit.
Ilang tindero rin umano ang pina-alis sa Roxas Boulevard maging sa ilang pasyalan sa lungsod sa dahilang baka maipit ang mga ito sa mga isasagawang kilos protesta.