Nagpositibo sa paralytic shellfish poison o red tide ang ilang dalampasigan sa Samar at Eastern Samar.
Batay sa Bureau of Fisheries and Aquatic Resources (BFAR), kabilang dito ang San Pedro Bay, Matarinao bay at coastal waters ng bayan ng Guiuan.
Nagpaalala naman ang BFAR sa publiko na iwasan muna ang pagkuha, pagbili at pagkain ng anumang klase ng shellfish at alamang o hipon sa mga naturang lugar.
Maaari namang kainin ang mga isda, pusit at alimango basta’t ito ay huhugasang maigi bago lutuin.
