Hindi pabor ang ilang pasahero ng MRT-3 sa muling inihihirit na fare hike o taas- pasahe sa Metro Manila Transit Line – 3 (MRT-3).
Kasunod ito ng bagong petisyon ng pamunuan ng MRT-3 kung saan nasa P2.29 ang dagdag sa boarding fare, habang 0.21 centavos naman sa kada kilometro.
Kapag naaprubahan, magiging ₱16 na ang minimum fare mula north avenue papuntang Quezon Avenue station mula sa ngayon’y P13
Habang ang end-to-end na biyahe mula North Avenue hanggang Taft Avenue Station ay magiging ₱34 mula ₱28.
Una nang sinabi ng mga opisyal ng Department of Transportation o DOTr, malaki ang posibilidad na maaprubahan ang petisyon, lalo’t sunod-sunod ang pagsasaayos ng railways at wala ring pagbabago sa pasahe sa tren sa nakalipas na walong taon.