Kinatigan ni House Deputy Speaker at Basilan Lone District Representative Mujiv Hataman ang opisyal na pag-endorso ng Moro Islamic Liberation Front (MILF) kay presidential aspirant at vice president Leni Robredo.
Ani Hataman, bilang isang organisasyong nagsusulong ng karapatan ng BANGSAMORO, naniniwala siya na tama ang desisyon ng MILF sa pagpili ng kandidatong hindi lamang kumikilala sa pinagdaanan ng mga Moro sa kasaysayan, kundi sumusuporta rin at naniniwala sa karapatan sa self-governance and self-determination.
Gayonman ani Hataman, hindi dapat magpakampante at doblehin ang pagsisikap kung nais maghalal ng isang pinuno na magtitiyak na mayroong mabuting pamamahala sa serbisyo publiko.
