Bukas ang piling Social Security System (SSS) branches sa Metro Manila kahit Sabado.
Batay sa abiso ng SSS, mula 8am hanggang 5pm ang office hours ng 10 SSS Branch na bukas kahit Sabado kabilang ang Cubao, Malabon, Paso de Blas, Antipolo, Mandaluyong-Shaw, Marikina, Las Piñas, Makati-Chino Roces, Parañaque, at Taguig.
Mula 9am hanggang 6pm naman sa Ortigas at Novaliches branch.
Magtatagal ito hanggang sa katapusan ng taon.
Ayon sa SSS, tulong nila ito sa kanilang mga miyembro kung saan hindi nakakapunta sa kanilang tanggapan kapag weekdays.
Samantala, ang 43 SSS branches naman sa NCR ay mas maagang magsisimula ng kanilang operasyon ng 7am ngayong holiday season.
