Walang katiyakan kung mapapalaya na si Mary Jane Veloso, ang Overseas Filipino Worker (OFW) sa Indonesia na nasa death row dahil sa pagdadala ng droga.
Sinabi ni Foreign Affairs Spokesman Assistant Secretary Charles Jose, ito ay dahil maliban sa nakadepende ito sa resulta ng imbestigasyon ng Pilipinas ang huling pagpapasya ay nasa Indonesian authorities pa din.
Sa Biyernes ay nakatakdang muling magpulong sa Indonesia, ang mga kinatawan ng Department of Foreign Affairs, Department of Justice, Indonesian Attorney General’s Office at ang Ministry of Justice and Human Rights.
“Depende po ‘yan kung ano ang kalalabasan ng ating kaso na ifi-nile, kung mapapatunayan po natin sa dulo na si Mary Jane nga ay talagang biktima, that would be another grounds para again humingi tayo ng clemency.” Pahayag ni Jose.
By Katrina Valle | Ratsada Balita
