Inaanyayahan ng National Disaster Risk Reduction and Management Council o NDRRMC ang lahat na sabay-sabay na mag-duck cover and hold para sa ika-apat na nationwide simultaneous earthquake drill.
Ayon kay NDRRMC Spokesperson Mina Marasigan, kasado na ang pinakahuling nationwide earthquake drill ngayong taon na gaganapin sa December 14.
Dagdag ni Marasigan, pangungunahan mismo ni Defense Secretary Delfin Lorenzana ang pilot area ng earthquake drill sa San Jose del Monte Bulacan.
Inaasahan din ng NDRRMC ang mga isasagawang earthquake drills ng iba’t ibang LGUs para subukan ang kapabilidad ng kanilang mga rescue teams sa pagtugon sa panahon ng kalamidad tulad ng lindol.
(Ulat ni Jonathan Andal)
