Humarap ka kung sa tingin mo ay inosente ka. Magbitiw ka kung sa tingin mo ay alanganin ka.
Yan ang payo ni House Speaker Pantaleon Alvarez kay Chief Justice Maria Lourdes Sereno na kasalukuyang may kinakaharap na impeachment complaint laban sa kaniya.
Hamon pa ni Alvarez kay Sereno dapat siya aniya ang humarap sa mga pagdinig dahil siya ang akusado at hindi ang kaniyang mga abogado.
Paniwala ng House Speaker walang tibay ng loob at konsensya si Sereno para harapin ang mga nangaakusa sa kaniya dahil sa bigat ng ebidensya at sa mas marami pang taong nais tumestigo.