Umapela ang Hospicio De San Jose sa Maynila sa lokal na pamahalaan na kung maaari ay sila na lamang ang puntahan sakaling sa oras na maging available na ang bakuna kontra COVID-19.
Ayon kay Sr. Maria Socorro Pilar G. Evidente o Sister Corrie, administrator ng Hospicio De San Jose, ilan kasi sa tinitingnan nilang dahilan ng COVID-19 outbreak sa ampunan ay dahil sa paglabas ng ilang empleyado para sa ilang bagay na kailangan asikasuhin at dahil sa pagpapabakuna.
Kasabay nito nanawagan si Sister Corrie ng tulong para sa pagkain at iba pa nilang pangangailangan sa araw-araw.
Sa mga nais aniyang mag-donate in-kind, kung maaari lang umano ay mula alas otso ng umaga hanggang alas singko ng hapon para matanggap ito ng kanilang mga empleyado at mabigyan ng resibo.