Magpapakalat ng dagdag na isandaang empleyado ang Bureau of Immigration o BI sa mga international airport sa buong bansa.
Partikular dito sa susunod na buwan para sa inaasahang pagdagsa ng mga biyahero ngayong holiday season.
Ayon kay Immigration Commissioner Jaime Morente, hinihintay nila ang ipapalabas na appointment papers ng Department of Justice o DOJ para sa pagkuha ng mga bagong immigration officers para kaagad nilang masanay ang mga ito at mai-puwesto na sa Nobyembre.
Ilan aniyang recruit ay contractual employees na nagsilbi sa BI sa mahabang panahon.
Kasabay nito, pinagbawalan ni Morente ang mga tauhan nila na mag-leave simula Oktubre 28 hanggang Enero 15, 2018 para matiyak ang serbisyo ngayong holiday.
