Ibinasura ni House Committee on Justice Chairman at Mindoro Rep. Reynaldo Umali ang panukala ni Capiz Rep. Fredenil Castro na ipa-subpoena sa pagdinig ng komite si Supreme Court Chief Justice Maria Lourdes Sereno.
Ayon kay Umali, mas mainam kung iimbitahan lamang muna ang punong mahistrado sa pagdinig at bigyan ito ng kalayaang makapagsalita o makapagtanong sa mga testigo maging sa complainant na si Atty. Larry Gadon.
Ginawa ni Umali ang pahayag makaraang ihirit ni Castro na ipa-subpoena si Sereno sa pagdinig sakaling magmatigas itong huwag dumalo at hayaan ang mga abogado nito na makapag-cross examine sa mga testigo.
Kahapon, bigong maaksyunan ng komite ang hirit ng kampo ni Sereno na makapag-cross examine sa mga testigo ang mga abogado nito.
