Hindi nagtatago sa batas ang ilan pa sa mga respondents sa kaso hinggil sa pagkamatay ng flight attendant na si Christine Dacera.
Ito ang binigyang linaw ni Atty. Mike Santiago, abogado ng ilan sa respondents sa kaso.
Ayon kay Santiago, maaaring imbitahan ng pulisya ang kanya ng mga kliyente dahil naroon lamang aniya ang mga ito sa lugar kung saan sila karaniwang namamalagi.
Tiniyak din ni Santiago na makikipagtulungan ang kanyang mga kliyente sa Makati City Prosecutors at dadalo sa itinakdang pagdinig sa Enero 13.
