Batid na ni Vice President Leni Robredo na hindi uusad ang impeachment complaint laban kay Pangulong Rodrigo duterte.
Ayon kay Robredo, bago pa man ibasura ng Kamara ang reklamo laban sa Pangulo ay malabong magtagumpay ang pagpapatalsik kay Duterte lalo’t usaping pulitikal ang impeachment.
Malakas anya ang popularidad ng Pangulo at kaunti lang ang mga Kongresistang susuporta sa impeachment complaint laban dito.
Gayunman, inihayag ng Pangalawang Pangulo na mahalaga pa rin ang proseso ng impeachment case dahil patunay ito na umiiral pa rin ang demokrasya sa bansa.
By: Drew Nacino / Jonathan Andal