Tinatayang P660,000 na halaga ng pekeng sigarilyo ang nakumpiska mula sa 4 na suspek kasunod ng isinagawang entrapment operation ng mga pulis sa Barobo, Surigao del Sur.
Pahayag ni Caraga Region Police Director, Brig. Gen. Romeo Caramat Jr., ang mga suspek na pawang mga taga-Davao City ay nasakote sa Barangay Poblacion.
Matatandaang nakakumpiska rin ang awtoridad ng P255,000 na halaga ng pekeng sigarilyo sa Surigao City kamakailan.
Kapwa mahaharap ang mga suspek sa mga kasong paglabag sa Intellectual Property Code of the Philippines at Consumer Act.
