Patay ang isang tindero matapos itong pagsasaksakin makaraang tumulong sa isang tricycle driver na hinoldap sa Bagong Silang, Caloocan City.
Kinilala ang biktima na si Carmelito nunag, 55 anyos.
Ayon sa Caloocan City Police, sumakay sa tricycle ni John Paulo Calcita ang dalawang suspek na nakilala lamang sa alyas na David at Jay-R.
Tatlong beses munang pinag-ikot ng mga suspek ang driver sa naturang lugar bago holdapin at nang makatakbo si Calcita ay nagsisigaw at nagpasaklolo.
Tumugon naman panawagan si Nunag at tinangkang pigilan ang mga holdaper pero tinadtad siya ng saksak na naging sanhi ng agad nitong pagkamatay.
Naaresto naman si alyas “david” pero nakatakas ang kasama nitong si Jay-R.