Inihahanda na ni Senador Erwin Tulfo ang pagsasampa ng kaso laban sa umano’y dating mga sundalo na nag-akusa sa kanya at ilang mambabatas na tumanggap ng “maleta” na may lamang pera.
Ayon kay Sen. Tulfo, hindi siya nainis sa mga alegasyon. Sa halip, siya ay natawa pa sa mga ito, na kanyang tinawag na gawa-gawang kwento.
Gayunman, iginiit ng senador na hindi niya hahayaan na basta na lamang lumipas ang naturang isyu.
Hinamon niya ang mga nag-akusa na magpakita ng ebidensya at dalhin ang kanilang reklamo sa tamang forum, partikular sa Office of the Ombudsman. | Sa panulat ni Reabelle Medina
