Tiwala ang Philippine National Police (PNP) na makatutulong sa publiko na masanay sa pagpasok ng New Normal ang pagpapanatili sa National Capital Region (NCR) at iba pang panig ng bansa sa Alert Level 2.
Ayon kay PNP Chief, P/Gen. Dionardo Carlos, mas maigi aniyang masanay ang publiko sa mahigpit na pagpapatupad ng mga panuntunan upang mapanatili ang disiplina lalo na sa pagsunod sa Health Protocols lalo na sakaling bumaba na sa pinakamaluwag na Alert Level 1.
Dahil dito, sinabi ni Carlos na mananatili silang mahigpit sa pagpapatupad ng minimum public health and safety standards depende sa nakataas na Alert Level sa iba’t ibang lugar.
Giit pa ng PNP Chief, mas mahalagang mapanatili aniya ang disiplina dahil posibleng maging kampante na ang lahat lalo na ngayong panahon ng kampaniya kung saan, kaliwa’t kanan ang mga pagtitipon at meeting de avance.
