Halos P35-milyong pisong halaga ng umano’y iligal na droga ang nasabat ng mga otoridad, sa isang food delivery rider at kanyang pinsan sa Cebu City.
Naganap ito sa isang anti-drug sting operation na itinuturing ng City Drug Enforcement Unit (CDEU), na pinakamalaking nasamsam na droga sa taong ito.
Kinilala ang naaresto na sina; Shelljay Centino Cuyno at Dennis Centino, pawang 24 anyos at kapwa residente ng barangay Ermita.
Sa operasyon, magde-deliver sana ang mga suspek ng 125 gramo ng shabu nang hindi alam na isa itong operasyon kaya sila nahuli.
Nasamsam ang 5.12 kilo ng hinihinalang shabu na nagkakahalaga ng P34.8 milyon.
Inamin naman ni Cuyno na nagta-transport sila ng iligal na droga at nagtatrabaho sa isang nagngangalang Pastor Gonzales. —sa panulat ni Abby Malanday
