Dapat mailahad sa publiko ang guidelines sa paggamit ng Dengvaxia vaccine.
Ito ang iginiit ni Infectious Disease Expert Dr. Rontgene Solante sa harap ng nakikitang pagtaas ng kaso ng dengue sa bansa.
Sinabi ni Solante na sa pamamagitan ng mga ilalatag na guidelines ay maipapakita sa publiko ang benepisyo at kahalagahan ng bakuna lalo na para sa populasyon na nasa high risk category.
Aniya, mailalahad din sa guidelines ang importansiya sa pagsugpo ng dengue virus infection.
Una nang sinabi ni Solante na ikonsidera ng pamahalaan ang paggamit ng Dengvaxia lalo na’t ang ibang bansa naman gaya ng Singapore, Malaysia, Thailand, at Indonesia ay gumagamit na ng naturang bakuna.