Hinikayat ng grupo ng marine conservation groups si President-elect Rodrigio Duterte na bumuo ng hiwalay na departamento na tututok sa proteksyon ng sea at marine life sa bansa.
Ayon kay Vince Cinches, campaigner ng Greenpeace Ocean, mahalagang bumuo ng Department of Oceans and Fisheries naka-pokus sa marine conservation.
Binigyang-diin ni Cinches na ang pagbuo ng bagong departamento na hiwalay mula sa kasalukuyang Department of Agriculture ay makakapag-promote ng mas mahigpit na implementasyon ng Republic Act Number 10654 o “an act to prevent and eliminate illegal, unreported and unregulated fishing”.
Suportado naman ni Dennis Calvan, Executive Director ng NGO’S for Fisheries Reform ang isinusulong ng Greenpeace Ocean.
Iginiit ni Calvan na makatutulong ang Department of Oceans and Fisheries upang mapahusay ang fisheries governance at enforcement ng marine laws.
Umaasa rin ang dalawang grupo na matutuldukan ng Duterte administration ang illegal fishing sa loob ng 6 na buwan.
By: Meann Tanbio