Gold medal nasungkit ng PH sa Asian Athletics championship sa India

Panibagong karangalan ang ibinigay ng atletang si Eric Cray sa Pilipinas makaraang masungkit ang gintong medalya sa ika-22 Asian Athletics Championship sa Buhbaneswar, India.

Ito’y makaraang matapos ni Cray sa 49.57 seconds ang 400-meter hurdles kung saan, pumangalawa ang atleta mula sa Chinese Taipei na si Chen Chieh at pumangatlo naman si Jabir Mp ng India.

Una rito, nasungkit ni Mark Harry Diones ang silver medal para sa Pilipins sa triple jump habang bronze medal naman ang nasungkit ni Ernest Obiena para sa pole vault.

Sinasabing kasama ang tatlong atleta sa listahan ng mga manlalaro na sasabak sa Southeast asian o SEA Games na gagawin sa Kuala Lumpur sa Malaysia sa Agosto.

By  Jaymark Dagala

Comments

comments