Aminado ang mga pangunahing oil at gas exporting nation na hindi nila matitiyak kung magiging stable ang presyo at supply ng kanilang mga produkto bunsod ng lumalalang krisis sa pagitan ng Ukraine at Russia.
Sa Gas Exporting Countries Forum sa Doha, inihayag ni Qatar Emir Tamin Bin Hamad Al-Thani na gumagawa na ng paraan ang lahat ng gas producers upang matiyak ang sapat na supply, lalo sa Europa.
Gayunman, hindi anya nila masisiguro kung magkakaroon ng stable price para sa mga european consumer kaya’t ipinauubaya na nila ang issue sa Diyos.
Bagaman ang Russia ang pangunahing gas supplier ng Europa, hiniling na ng US sa Qatar na saklolohan ang Europe sakaling putulin ng Russia ang supply.
Maaari namang manganib ang supply ng gas sa asian countries tulad sa Japan, South Korea at China sa oras na ibuhos ng Qatar at iba pang gas producing nation ang kanilang supply sa Europa.